Сон Е-жин "Нурууны булчин"-гаа гайхуулж, дасгал хийж буй бичлэг нь олны анхаарлыг татлаа!

Солонгосын алдарт жүжигчин Сон Е-жин өөрийн Инстаграм хуудсандаа дасгал хийж буй бичлэгээ хуваалцаж, эрүүл чийрэг бие хаагаа гайхууллаа. Тэрээр "2025 оны сүүлийг үдэж байна. Та бүхэн эрүүл энх сайн явна уу. Hope you‘re all doing well" хэмээх бичвэртэйгээр хэвтрийн дасгал хийж буй дүрсийг нийтэлсэн байна.

Бичлэгт Сон Е-жин фитнесс зааланд "Lat Pulldown" хэмээх дасгалыг хийж буй бөгөөд түүний уян хатан, гоёмсог дүр төрхөөс гадна харагдаж буй нурууны булчингууд нь үзэгчдийн анхаарлыг ихэд татаж, түүний "эрүүл чийрэг гоо үзэсгэлэнг" тодотгож өгчээ.

Сон Е-жин 2022 оны гуравдугаар сард жүжигчин Хён Бинтэй гэрлэж, мөн оны арван нэгдүгээр сард хүүгээ өлгийдөн авсан билээ. Түүнчлэн, тэрээр энэ оны есдүгээр сард нээлтээ хийсэн "Нэгэнт ийм болсон" (어쩔수가없다) кинонд тоглосноор 7 жилийн дараа дэлгэцнээ эргэн ирсэн юм.

Солонгосын интернэт хэрэглэгчид түүний биеийн галбирыг магтаж, "Булчин нь гайхалтай харагдаж байна, эрч хүчтэй бас гоё юм" , "Сон Е-жин хүүхэдтэй болсон ч урам зориг өгдөг" гэх зэрэг сэтгэгдлүүд үлдээжээ.