Өмнөд Солонгосын жүжигчид Вон Жу-ван, Бан Мин-а нар Балид хуримлаа!

Өмнөд Солонгосын алдартай жүжигчид Вон Жу-ван болон Бан Мин-а нар өнгөрсөн сарын 29-нд Бали аралд хуримаа хийсэн бөгөөд тус ёслолын анхны зургуудыг олон нийтэд дэлгэлээ.

Гуравдугаар сарын 3-нд Вон Жу-ван болон Бан Мин-а нар тус тусын хувийн нийгмийн сүлжээ хуудсандаа ямар нэгэн тайлалт хийхгүйгээр гурван гэрэл зургийг нийтэлжээ.

Эдгээр зургуудад хуримын даашинзтай Бан Мин-а болон костюмтай Вон Жу-ван нар гараас нь барин, инээмсэглэн харагдана. Вон Жу-ван "Let's go together towards happiness (Аз жаргалын төлөө хамтдаа алхацгаая)" хэмээх сэтгэл хөдөлгөсөн үгийг нийтэлж, харин Бан Мин-а хар өнгийн зүрхний эможиг илгээжээ.

Жүжигчин Вон Жу-ван болон Бан Мин-а нар "Гоолиг бүсгүй Гон-шим" (Мисс Гайсинг) драмын үеэр танилцсан бөгөөд "Тэр өдрүүд" мюзиклд хамтран тоглохдоо дотно харилцаатай болсон гэдэг. Ялангуяа Бан Мин-а эцэг эхээ алдсан гашуун зовлонтой байх үед Вон Жу-ван түүний хажуунаас шантралгүй дэмжиж байсан тухай нэгэн тод дурсамж үлдсэн байна.

Тэдний харилцаа нь 2023 оны долдугаар сард албан ёсоор батлагдаж, "Бид хоёр удаан үерхсэний эцэст энэ арван нэгдүгээр сард хамтдаа амьдралаа эхлүүлэхээр шийдсэн" хэмээн мэдэгдэж байжээ.

Хуримын ёслолд Бан Мин-агийн "Girls Day" хамтлагийн гишүүд болон бусад алдартай зочид оролцоогүй бөгөөд зөвхөн ойр дотны гэр бүлийн гишүүд нь оролцсон байна.

Солонгосын интернэт хэрэглэгчид "Үнэхээр гайхалтай гэрлэлт байна!", "Тэднийг харахад аз жаргалтай харагдаж байна. Гэр бүлийн амьдралд нь сайн сайхан бүхнийг хүсье.", "Гэнэтийн мэдээ байлаа. Хуримын зурагнууд нь их гоё харагдаж байна." гэх зэргээр сэтгэгдэл үлдээжээ.