ENHYPEN "Music Bank Global Festival 2025"-д оролцохоор Японд очлоо!

ENHYPEN хамтлагийн гишүүд өнөөдөр, арванхоёрдугаар сарын 12-нд Кимпо олон улсын нисэх онгоцны буудлаас Японы Токио хотыг зорин ниссэн байна.

Тэд "2025 Music Bank Global Festival in Japan" арга хэмжээнд оролцохоор явж байгаа бөгөөд энэхүү арга хэмжээ нь арванхоёрдугаар сарын 13, 14-ний өдрүүдэд Токиогийн Үндэсний цэнгэлдэх хүрээлэнд болох юм.

Хамтлагийн шүтэн бишрэгчид нисэх онгоцны буудалд тэднийг үзэж, сэтгэл хөдөлсөн байдалтай угтжээ.

Солонгосын интернэт хэрэглэгчид "ENHYPEN-ыг Японд харах нь ээ, гоё байна!", "Нисэх онгоцны буудлын стилийг нь хараад алмайрлаа", "Music Bank дээр гарах тоглолтыг нь тэсэн ядан хүлээж байна!" гэх мэт сэтгэгдлүүдийг үлдээжээ.