Жүжигчин Бён Ё-хан, Girls' Generation-ий Тиффани Янг нар хуримаа хийхээр бэлдэж байна

Алдартай жүжигчин Бён Ё-хан болон K-pop хамтлаг Girls' Generation-ий гишүүн асан Тиффани Янг нар хуримаа хийхээр болзож буйгаа баталгаажууллаа.

Бён Ё-ханы агентлаг болох Team Hope 13-нд "Хоёр жүжигчин хуримын зорилготойгоор үерхэж байгаа" хэмээн албан ёсоор мэдэгдэв. Өмнө нь зарим хэвлэл мэдээллийн хэрэгслүүд тэднийг ирэх оны намар гэрлэнэ гэж мэдээлж байсан юм. Мэдээлэлд дурдсанаар, Бён Ё-хан болон Тиффани Янг нар өнгөрсөн тавдугаар сард гарсан Disney+ цуврал "Uncle Samsik" ("삼식이 삼촌") бүтээл дээр хамтран ажилласны дараа үерхэж эхэлсэн бөгөөд ойролцоогоор нэг жил хагасын дараа хайрын энэ шийдвэрт хүрсэн байна.

Бён Ё-ханы төлөөлөгчид "Хараахан тодорхой хугацаа тогтоогдоогүй байгаа ч, хоёр жүжигчин шийдвэрээ гаргасан цагт хамгийн түрүүнд шүтэн бишрэгчиддээ мэдэгдэхийг хүссэн" гэв.

Тэд "Та бүхний халуун сэтгэлд талархаж байна. Тэдний цаашдын амьдралд аз жаргал, хайр бялхаж байхыг залбирч, ерөөхийг хүсье" гэж нэмж хэлсэн байна.

1989 онд төрсөн Тиффани Янг 2007 онд Girls' Generation хамтлагт дебют хийсэн. Тэрээр "Fame", "Chicago" зэрэг мюзикл, "Reborn Rich", "Uncle Samsik" зэрэг драмад тоглож, жүжигчний карьераа амжилттай хөгжүүлж байгаа.

1986 онд төрсөн Бён Ё-хан 2011 онд "Saturday Working" богино хэмжээний киногоор жүжигчний гараагаа эхлүүлсэн. Тэрээр "Misaeng", "Six Flying Dragons", "Mr. Sunshine" зэрэг цуврал болон "Socialphobia", "Hansan: Rising Dragon" зэрэг кинонд тоглож, "The Deserted" киноны дараа "Pavanne" киногоо үзэгчдэд хүргэхээр бэлдэж байгаа бөгөөд одоогоор "Tazza: The High Rollers" киногоо бүтээж байна.

Солонгосын нетизэнчүүд энэ хосыг ихэд дэмжиж, хайр энэрэлтэй үгсээр бэлгэж байна. "Тэдний харилцаа "Uncle Samsik"-аас хойш хэрхэн хөгжсөнийг харах сайхан байна", "Тэдний ирээдүй гэрэл гэгээтэй байх болно", "Аз жаргалыг хүсье!" зэрэг сэтгэгдлүүд их байна.