EXO шинээр "I'm Home" дуугаа гаргахаар бэлдэж байна!

Алдартай хамтлаг EXO "First Snow" дууныхаа амжилтыг үргэлжлүүлэн шинэ өвлийн балладаар фенүүдээ баярлуулахаар бэлджээ.

ARMY-ийн анхааралд 12-р сарын 12-ны шөнө дунд EXO хамтлагийн албан ёсны сошиал хуудсуудад "I'm Home" нэртэй шинэ дууны клипний тизер болон зурагнууд гэнэт нийтлэгдсэн байна. Энэхүү уянгын шинэ дууны аялга, гишүүдийн дулаахан дүр төрх нь фенүүдийн дунд өндөр хүлээлт үүсгэж байна.

"I'm Home" нь намуухан төгөлдөр хуурын аялга, хийлийн хөгжимтэй хослуулсан поп баллад юм. Энэхүү дуу нь хайртай хүмүүстэйгээ дахин учрах аз жаргал, мөн хамтдаа удаан байхыг хүссэн хүслийг илэрхийлдэг. Энэхүү дуу нь 2026 оны эхний хагаст гарах EXO хамтлагийн найм дахь бүрэн хэмжээний "REVERXE" цомогт багтах юм.

"I'm Home" дууны бүрэн клипийг 12-р сарын 14-ний шөнө дунд цацах болно. Түүнчлэн энэ өдөр Инчхон дахь Inspire Arena-д болох "EXO’verse" фен уулзалт дээр анх удаа амилуулна. Энэхүү арга хэмжээг Beyond Live болон Weverse платформ дээр дамжуулах юм.

EXO хамтлаг "Miracles in December", "Sing For You", "For Life", "Universe" зэрэг олон арван өвлийн дуугаараа фэнүүдийнхээ зүрх сэтгэлд хоногшсон билээ. "First Snow" дуу нь энэ жил ч сонсогчдын дунд эргэн хит болж, чартуудыг байлдан дагуулж байсан тул "I'm Home" шинэ дуу нь EXO-гийн өвлийн онцгой мэдрэмжийг агуулсан байх тул өндрөөс өндөр сонирхол хүлээж байна.

Солонгосын нетизэнчүүд "EXO-гийн шинэ өвлийн дууг тэсэн ядан хүлээж байна!" ""I'm Home" нь өмнөх өвлийн хитүүд шигээ дулаахан сонсогдож байна" гэх зэргээр сэтгэгдэл үлдээж, маш их баяр хөөрөө илэрхийлж байна. Тэд хамтлагийн шинэ бүтээлд ихэд таатай хандаж байгаагаа илэрхийлжээ.