Жүжигчин Нам Бо-ра жирэмсэн үеийнхээ тухай мэдээлэл хуваалцлаа

Өмнөд Солонгосын жүжигчин Нам Бо-ра (Nam Bo-ra) жирэмсэн үеийнхээ талаарх шинэ мэдээллийг хуваалцсан байна.

Тэрбээр 5-р сард өөрийн хувийн сувгаар "Ханиад хүрсэн шинжтэй, бие тавгүй байна. Тиймээс биеийг тэтгэх тансаг хоолны жагсаалтыг гаргаж ирсэн чинь ийм сайхан ширээ болж хувирлаа" хэмээх бичвэртэй зураг нийтэлжээ.

Нийтэлсэн зурагт Нам Бо-ра өдрийн хоолондоо идсэн бололтой хоолны ширээ харагдаж байна. Далайн байцааны шөл, галууны мах, кимчи, алим зэрэг амт болон тэжээллэг чанарыг хослуулсан эрүүл мэндэд тустай хоолнууд анхаарал татаж байна.

Ялангуяа Нам Бо-ра саяхан жирэмсний тухайгаа зарласан билээ. Жирэмсэн үедээ ханиадны шинж тэмдэг илэрсэн тухайгаа дурдсанаас болж түүний шүтэн бишрэгчид санаа зовниж эхэлжээ.

Үүний хажуугаар, Нам Бо-ра энэ оны 5-р сард ойролцоогоор 2 жил үерхсэн, өөртэй нь тэнгийн бизнесмеетэй гэрлэсэн юм. Саяхан жүжигчин телевизийн нэвтрүүлэг болон хувийн сувгаараа дамжуулан жирэмснийхээ тухай мэдээлж, олон хүнд баяр хүргүүлсэн.

Солонгосын интернэт хэрэглэгчид түүний эрүүл мэндийн байдлыг анхаарч, хурдан эдгэрэхийг хүссэн сэтгэгдлүүд бичжээ. Мөн жирэмсэн үедээ амрахын чухлыг онцлон, удахгүй төрөх хүүхдэд нь баяр хүргэж байгаагаа илэрхийлсэн байна.