BTS-ийн V-гийн "Christmas Tree" дуу 21-р зууны шилдэг Зул сарын дуудын жагсаалтад дахин бичигдлээ
Алдарт BTS хамтлагийн гишүүн V (Ким Тэ-хён)-ийн "Christmas Tree" дуу нь Billboard-ын "21-р зууны шилдэг 30 Зул сарын дуу" жагсаалтад хоёр дахь жилдээ дараалан багтлаа.
Өнгөрсөн жил 19-р байранд орж байсан бол энэ жил 24-р байранд бичигдсэн нь K-pop ертөнцөөс энэхүү нэр хүндтэй жагсаалтад багтсан цорын ганц уран бүтээл болж, өөрийн байр сууриа улам бэхжүүлж буйг харуулж байна.
Billboard байгууллага "Christmas Tree" дууг онцлохдоо "Your light’s the only thing that keeps the cold out / Moon in the summer night / Whispering of the stars / They’re singing like Christmas trees for us" хэмээх мөрүүдийг шилдэг ишлэл болгон онцолжээ.
"Christmas Tree" дуу нь 2021 оны арванхоёрдугаар сарын 24-нд "Тийм л жил" (That Year We) драманы OST болгон цацагдсан. V-гийн сэтгэл хөдөлгөм хоолой нь драмын өгүүллэгийг улам гүнзгийрүүлж, үзэгчдийг татан оролцуулсан гэж үнэлэгдсэн. Зул сарын баярын өмнөхөн гарсан энэ дуу нь уламжлалт Зул сарын дуунууд зонхилох үед Billboard чартуудад амжилт олсон нь онцгой үзэгдэл байлаа.
Энэхүү дуу нь K-pop OST-уудаас анх удаа Billboard Hot 100 чартад 79-р байраар, Holiday Hot 100 чартад 55-р байраар тус тус нэвтэрч байсан юм. Мөн Billboard Holiday Digital Song Sales болон Billboard US Digital Song Sales чартуудыг тус тус тэргүүлж байв.
Олон улсын хэвлэл мэдээллээс ч өндрөөр үнэлэгдсэн. "Christmas Tree" дуу нь АНУ-ын Elite Daily сэтгүүлийн "2000 оноос хойших Зул сарын шилдэг дуунуудын жагсаалт"-д 24-р байранд орсон бол Их Британийн Edinburgh Live сайт Spotify дээр хамгийн их сонсогдсон Зул сарын дуудын нэгээр нэрлэсэн байна.
Солонгосын интернэт хэрэглэгчид "Манай Тэ-хён Billboard-ыг дахин байлдан дагууллаа!", "Энэ дуу бол жинхэнэ Зул сарын бэлэг, ийм үнэлгээнд орох нь зүйн хэрэг" гэх зэргээр бахархлаа илэрхийлж байна. Түүнчлэн "V-д баяр хүргэе, K-OST-ын хувьд энэ бол гайхалтай амжилт!" хэмээн сэтгэгдэл үлдээжээ.