BTS-ийн V Гавай дахь амралтынхаа тухай видеогоо нийтэлжээ

Алдарт BTS хамтлагийн гишүүн V (Ким Тэ-хён) Гавайд найз нөхдийн хамт амарсан тухай видеогоо хуваалцлаа.

V Инстаграм хуудсандаа "5 минут!" хэмээх бичвэртэй хамт Гавайд найз "Wooga Squad"-ын хамт өнгөрүүлсэн зугаа цэнгэлийн бичлэгийг нийтэлжээ. Тус видеонд цэргийн албанаас халагдсаны дараах анхны амралтынхаа үеэр V-ийн зугаатай мөчүүдийг багтаасан байна.

Зургадугаар сард албаа халагдсанаас хойш V Парисын загварын долоо хоног, Дожерс багийн нээлтийн үйл ажиллагаа, "Vogue World" зэрэг олон улсын арга хэмжээнд оролцож, мөн Кока-Кола, Тиртир, Юнс, Парадайз Сити зэрэг брэндүүдийн сурталчилгаанд тоглож, завгүй хуваарьтай байсан билээ.

Энэ удаагийн видеонд V Гавайийн эрэг дагуу машинаар зугаалж, далайд сэлж, шумбаж, нарлах, найз нөхдийн хамт амттай хоол идэж байгаа зэрэг агшингууд багтжээ. Тэрбээр амралт чөлөөт цагаараа ч эрүүл хооллолт, гүйлтээ орхиогүй нь анхаарал татаж байна.

Тус видеонд мөн тэрбээр усан бөмбөгийн бөмбөгийг бариад нэг оролдлогоор гоол оруулж, баяр хөөрөө илэрхийлэхийн тулд шумбан буцаж ирж буй хэсэг, Гавайийн уламжлалт хула бүжиг сурч, галт бүжгийг сонирхон үзэж байгаа дүр зураг багтсан байна. Цэргийн албанаас халагдсаны дараах завгүй хуваарийг нь дагалдсан менежерийнхээ төрсөн өдрийг тэмдэглэж буй хэсэг ч орсон байна.

Өмнө нь буюу энэ сарын 12-нд V Инстаграмдаа хамтлагийн гишүүдтэйгээ дасгал хийж буй өрөөндөө авахуулсан зургаа нийтэлж байсан. Саяхан Weverse-ээр хийсэн шууд нэвтрүүлэгтээ тэрбээр "Би саяхан их завтай байлаа. Их удсаны дараа бүжиглэхээр мөр маань өвдөөд эхэлсэн, тиймээс би үүндээ анхаарах хэрэгтэй байна" гэж ярьсан юм.

Солонгосын интернэт хэрэглэгчид "V-ийн амралтын бичлэгийг үзэхэд таатай байна!", "Түүнийг инээж байхыг харахад сайхан байна", "Найз нөхөдтэйгээ аз жаргалтай байгаа нь сайхан байна, эрүүл энх байгаарай" гэх зэргээр сэтгэгдэл үлдээжээ.