SECRET NUMBER-ийн гишүүн Судам хамтлагаа орхиж, фэнүүддээ баярлалаа илэрхийлэв

K-pop хамтлаг SECRET NUMBER-ийн гишүүн Судам тун удахгүй хамтлагаа болон агентлаг Vine Entertainment-аа орхино гэдгээ зарлалаа.

Өөрийн гаргасан гар бичмэл захидлаараа Судам "LOCKY" хэмээх шүтээнүүддээ гүн талархал илэрхийллээ. Тэрээр "Би амьдралдаа хэзээ ч мэдэрч байгаагүй асар их хайрыг авч, төсөөлшгүй туршлагаар их хэмжээний өсөлт хийсэн" гэж дурджээ.

2020 онд "Who Dis?" синглээр анх нээлтээ хийсэн Судам "2020 оноос хойш хамт байсанд баярлалаа" гэж хэлээд, "LOCKY-гийн хайр, хүлээлтийг биелүүлж чадаагүй мэт санагддаг тул SECRET NUMBER-ийн Судам хэмээх сүүлчийн мэндчилгээгээ хүргүүлж буйдаа харамсаж байна" хэмээн нууцгүй ярьжээ.

Тэрээр " Тайз болон өдөр тутмын амьдралдаа би үргэлж LOCKY-гаас их хүч авдаг байсан. Та нарын ачаар би энэ хүртэл ирж чадсан" хэмээв. Ирээдүйд өөр газар та нартайгаа учрах ч байж болох ч, энэ сэтгэлээ марталгүй, чадах чинээгээрээ өсөж, илүү сайн сайхнаа харуулна гэдгээ амлалаа.

Эцэст нь Судам "SECRET NUMBER-ийг ч бас их дэмжээд өгнө үү. Баярлалаа. Хайртай шүү. LOCKY" хэмээн захидлаа дүгнэжээ. Түүний явсны дараа SECRET NUMBER нь Жу, Наби, Динда, Эбин, Минси гэсэн таван гишүүнтэй үргэлжлүүлэн ажиллах төлөвтэй байна.

Солонгосын интернэт хэрэглэгчид Судамын шийдвэрийг харамсалтай хүлээж авчээ. "Түүнийг явахад харамсалтай байна, гэхдээ түүнийг цаашид нь амжилттай явахыг дэмжинэ!" гэх зэрэг сэтгэгдлүүд их байна. Мөн "Судамгүйгээр SECRET NUMBER өмнөх шигээ байхгүй" хэмээн халаглах хүмүүс ч байлаа.