Жүжигчин Ё Жин-гу цэрэгт явахаасаа өмнө шүтэн бишрэгчдэдээ баяртай гэдгээ илэрхийлж, үсээ хуссан зургаа хуваалцлаа

Өмнөд Солонгосын алдартай жүжигчин Ё Жин-гу өнөөдөр буюу арванхоёрдугаар сарын 15-нд албан ёсоор цэргийн албанд орлоо. Тэрээр ойролцоогоор 1 жил 6 сар алба хаах бөгөөд энэ хугацаанд түүний уран бүтээлийн завсарлага тохионо.

Цэргийн албанд орохоосоо өмнө арванхоёрдугаар сарын 14-нд Ё Жин-гу өөрийн сошиал хуудсаараа дамжуулан шүтэн бишрэгчдэдээ сэтгэл хөдөлгөсөн зургаа хуваалцжээ. Зургийг харахад тэрээр үсээ хуссан байсан боловч энгийн байдлаар бус, онцгой байдлаар чимэглэсэн байв. Хуссан үсээр нь жүжигчний нэр болон зүрхний хэлбэр үүсгэн, дэргэд нь бялуу тавьж, цэргийн хүндэтгэл үзүүлж байсан нь олны анхаарлыг татсан.

Шинэ үс засалтаараа улам эршүүд харагдах болсон Ё Жин-гугийн агентлагаас өмнө нь тэрээр KATUSA (АНУ-ын армийн корпус)-д шалгарч, арванхоёрдугаар сарын 15-нд албаа эхлүүлэхээр болсон тухай мэдэгдэж байсан. Түүнчлэн сургалтын төвд очих газарт нь олон хүн цугларч болзошгүй тул ирэхийг хориглохыг хүссэн.

"Бид Ё Жин-гу-д хандаж буй та бүхний анхаарлыг үргэлж талархдаг. Эх орондоо хүлээсэн үүргээ биелүүлж, илүү боловсорсон нэгэн болон эргэн ирэх хүртэл нь та бүхний дэмжлэгийг үргэлжлүүлэн үзүүлэхийг хүсье" хэмээн агентлагаас нь мэдэгдэлдээ дурджээ.

Үүнээс өмнө жүжигчин цахим захидлаараа дамжуулан шүтэн бишрэгчдэдээ талархал, догдлол, халаглал зэрэг олон мэдрэмжийг хуваалцсан. Тэрээр өөрийн сүүлийн Азийн аялалаа дурсан, шүтэн бишрэгчидтэйгээ нүүр тулан уулзаж, инээлдэж байсан мөчүүдийг үнэт дурсамж хэмээн онцолжээ.

"Та бүхний халуун хайр, дэмжлэгийн ачаар би асар их тайвшрал, халуун хүсэл тэмүүлэл мэдэрч, шантралгүй урагшилж чадсан. Өнөөдрийн энэ байдалд хүргэсэн та бүхэнд үнэхээр их баярлалаа" хэмээн Ё Жин-гу бичсэн байна.

Тэрээр хэсэг хугацаанд та бүхнээсээ хол байхдаа илүү хүчтэй, боловсорсон нэгэн болж эргэн ирнэ гэдгээ амлаж, жүжиглэх ур чадвараа ч сайжруулна гэдгээ илэрхийлжээ. "Энэ хугацаанд бүгдээрээ эрүүл саруул байж, сайн хооллож, аз жаргалтай байгаарай" хэмээн шүтэн бишрэгчиддээ хандан ерөөжээ.

2005 онд "Sad Movie" киногоор анх нээлтээ хийсэн Ё Жин-гу нь "The Moon Embracing the Sun", "The Crowned Clown", "Hotel Del Luna", "Beyond Evil" зэрэг алдартай драм болон "HWANGSE and the Big Issue", "Hijack" зэрэг кинонуудад гайхалтай дүрийг бүтээснээрээ өндөр үнэлэгдсэн билээ.

Солонгосын интернэт хэрэглэгчид Ё Жин-гу-гийн цэргийн албанд орж буй талаарх мэдээлэлд маш идэвхтэй хандаж, түүнийг амжилттай алба хааж, эсэн мэнд эргэн ирэхийг хүссэн сэтгэгдлүүд ихээр үлдээжээ. Түүний үсээ хуссан гэрэл зураг нь "эр хүн шиг", "сэтгэл хөдөлгөм" хэмээн магтагдсан байна. Олон хүн түүнийг хүлээхээ мэдэгдэж, шинэ дүрд нь улам бүр бэлэн болоод ирнэ хэмээн итгэл төрсөнөө илэрхийлжээ.