AOA-гийн гишүүн асан Квон Мин-а эргэн ирж, шинэ дуу гаргахаар болжээ

AOA хамтлагийн гишүүн асан Квон Мин-а дахин олны анхааралд өртөж, уран бүтээлдээ эргэн орж байгаагаа зарлалаа. Тэрээр удаан завсарлага авсны дараа 2026 оны нэгдүгээр сард дуучин Ха Мин-гитэй хамтран шинэхэн Кэрол дуу гаргахаар төлөвлөж байгаа талаараа өнгөрсөн арван тавны өдөр Моденберикореа агентлагаасаа мэдэгдэв.

Энэхүү шинэхэн бүтээл нь өвлийн шөнийн чимээ анир, дулаан мэдрэмжийг шингээсэн Кэрол дуу бөгөөд Мин-а AOA хамтлагаа орхисны дараа 7 жилийн дараа гаргаж буй анхны уран бүтээл юм. Mnet телевизийн 'I-LAND2' шоуны оролцогч асан Ким Мин-сол энэ дууны найруулгыг хийж, бүтээлийн чанарыг улам бүр өндөрт хүргэсэн байна.

Мин-атай хамт энэ удаагийн уран бүтээлд оролцож буй Ха Мин-ги нь дотоодын нэрд гарсан нэгэн шарсан төмсний франчайзын эзний дүү бөгөөд энэ нь олны анхаарлыг татсан билээ. Тэрээр ирэх оны эхний хагаст 'Air100' хамтлагийн гишүүнээр дебют хийхээр бэлтгэл хийж байгаа юм.

Үүнээс өмнө, Квон Мин-а өнгөрсөн арван дөрөвний өдөр өөрийн хувийн сошиал хуудсаараа дамжуулан AOA хамтлагтай холбоотой хуучны муу сэтгэгдэл бүхий захидлуудыг дэлгэж тавин "Бодол санаа, үг хэлэх эрх чөлөөтэй. Үнэнийг зөвхөн тэр үед байсан хүмүүс л мэднэ" хэмээн байр сууриа илэрхийлсэн. Тэрээр цааш нь "Өрөвдөлтэй гэх үгийг би дуртай биш ч, тиймэрхүү бичгийг харахад харамсалтай санагдаж, дэмжих хүсэлтэй байна" хэмээн нэмж хэлсэн юм.

Квон Мин-а 2012 онд AOA хамтлагийн гишүүнээр дебют хийж, дуучин, жүжигчний карьераа эхлүүлсэн. 2019 онд хамтлагаа орхисны дараа 2020 онд AOA-гийн ахмад гишүүн болох ЖимИн өөрийг нь удаан хугацаанд дарамталж байсан хэмээн илчилсэн бөгөөд үүний дараа ЖимИн ч мөн хамтлагаа орхисон билээ.

Квон Мин-агийн фэнүүд түүний эргэн ирэлтийг ихэд дэмжиж, "Ёстой баярлалаа! Дууг нь тэсэн ядан хүлээж байна!" "Амжилттай эргэн ирээрэй, Мин-а! Бид үргэлж чамтай хамт" гэх зэрэг сэтгэгдлүүдийг бичиж байна. Зарим нь түүнийг дарамталж буй хүмүүсийг буруутгаж, хараал идсэн сэтгэгдэлд дургүйцлээ илэрхийлж байв.