Nam Woo-hyun-ийн «Sugar» мюзиклийн анхны тоглолт амжилттай боллоо!

Дуучин Nam Woo-hyun «Sugar» мюзиклийнхээ анхны тоглолтыг арванхоёрдугаар сарын 14-нд амжилттай хийж гүйцээжээ.

Тэрээр Сөүл хотын Ханжон Урлагийн Төвийн тайзнаа «Sugar» мюзиклийн гол дүрд буюу Жо (Жозефин) хэмээх дүрээр үзэгчдийн хүртээл болсон байна. «Sugar» мюзикл нь дэлхий даяар үзэгчдийн хайртай болсон сонгодог инээдмийн кино «Some Like It Hot»-оос сэдэвлэсэн бүтээл юм.

1929 он, хуурай хуулийн үеийг түүхэн уламжлалаараа харуулсан уг мюзиклд хоёр жазз хөгжимчин нэгэн гэмт хэргийн гэрч болсноосоо хойш амьдралаа аврахын тулд эмэгтэй хувцастай явж, эмэгтэйчүүдийн хамтлагт нууцаар элсэхэд үүссэн хөгжилтэй явдлуудыг өгүүлдэг.

Nam Woo-hyun нь «Sugar»-т амьдралаа аврахын тулд эмэгтэй болж хувирах хэрэгтэй болдог, романтик саксофонч Жо-гийн дүрийг чадварлаг бүтээжээ. Тэрээр «K-pop»-ын тэргүүний төлөөлөл болох «Infinite» хамтлагийн гоцлол хоолойны авьяас чадвараа бүрэн гаргаж, тайзыг эзэмдсэн байна.

Ялангуяа Nam Woo-hyun нь ухаалаг бөгөөд инээдтэй хувирамтгай зан чанартай Жо-гийн дүр төрхийг гүн гүнзгий жүжиглэлтээрээ харуулж, бүтээлийн сонирхлыг улам нэмэгдүүлсэн юм. Хувирамтгай эмэгтэй дүр, хөдөлгөөн бүжиг, өвөрмөц хувиралт нь үзэгчдээс гайхамшигтай алга ташилтад хүргэсэн.

Анхны тоглолтоо амжилттай хийсэн Nam Woo-hyun нь "Ийм гайхалтай уран бүтээлчдийн хамт тайзнаа гарах боломж олдсондоо маш их баяртай байна. Ирэх жил буюу 2025 оноо «Sugar»-тай хамт сайхан өнгөрүүлж, эрүүл энх сайн сайхан байхыг хүсэн ерөөе. «Sugar»-ын анхны тоглолтонд хүрэлцэн ирсэн бүх хүмүүст чин сэтгэлээсээ баярлалаа, цаашид ч их дэмжлэг хүлээж байна" гэж сэтгэгдлээ хуваалцжээ.

Nam Woo-hyun тоглож буй «Sugar» мюзикл нь 2026 оны хоёрдугаар сарын 22 хүртэл Сөүл хотын Ханжон Урлагийн Төвд тоглогдох юм.

Солонгосын интернэт хэрэглэгчид Nam Woo-hyun-ыг шинэ дүрээ амжилттай бүтээсэнд ихэд баярлаж, "Тэр үнэхээр авьяастай! «Infinite»-ийн гоцлол хоолой ч, жүжигчин ч чансаатай юм" хэмээн ам сайтай байна.