Дуучин Ён Мин-сугийн хүү Ён Ху АНУ-аас эх орондоо ирж, эцэг эхтэйгээ уулзлаа
Дуучин Ён Мин-су АНУ-д суралцаж байсан хүү Ён Ху-тайгаа эргэн уулзлаа.
Ён Мин-су энэ сарын 14-нд өөрийн сошиал хуудсандаа "Эцэг хүүгийн учрал" хэмээх бичээстэй зураг нийтэлжээ.
Нийтлэгдсэн зурагт, БНСУ-д ирсэн хүү Ён Ху-тайгаа хамт хоол идэж буй Ён Мин-сугийн зураг багтсан байв. Ён Мин-су өөрийнх нь царай харагдахгүй, ард нь V хийж буй Ён Ху-гийн зураг нэлээд тод харагдахуйц байдлаар оруулсан байв. Хичээлээ дуусгаад ирсэн хүүтэйгээ уулзсандоо сэтгэл нь ихэд хөдөлсөн бололтой Ён Мин-су ийм зураг оруулжээ.
Ён Ху ч мөн адил энэ үед өөрийн сошиал хуудсаараа дамжуулан "Эцэгтэйгээ учрах" тухайгаа мэдэгдэж, Солонгост ирснээ дуулгасан байна. Ён Ху нь эцэг Ён Мин-сугийн сайшаалтай угтлага авч, хамт машинтай зорчиж, хамтдаа хоол идсэн тухай зургаа ч дэлгэжээ. Тэрээр удаан хугацааны дараа амталж буй Солонгос хоолондоо "гайхамшигтай" хэмээн шагширсан байна.
Ялангуяа Ён Ху Солонгост ирснийхээ дараа ээжийнхээ гэрт очиж, хамтдаа зургаа авахуулсан нь олны анхаарлыг татжээ. Шар өнгийн унтлагын хувцастай Ён Ху ээжтэйгээ зэрэгцэн зогсож, зочны өрөөний цонхонд туссан өөрсдийн дүр төрхийг зурганд буулгажээ. Солонгост удаан хугацааны дараа ээжтэйгээ баяртай гэгч нь уулзсан нь энэ байлаа.
Түүнчлэн Ён Ху "Халтардах вий гэж ээж минь санаа зовж байсан...", "Буйдан дээр хэт их шүлсээ алдсан тул ээждээ загнуулсан" гэх тайлбартайгаар гэрийн тэжээвэр амьтны зурагнуудыг мөн оруулсан байна. Гэрийн тэжээвэр амьтантайгаа хамт зугаацаж, Солонгос дахь амьдралаа амраар эхлүүлсэн Ён Ху байлаа.
Ён Ху нь Ён Мин-сугийн хүү бөгөөд бага байхдаа MBC телевизийн "Аав аа, хаашаа явна вэ?" нэвтрүүлэгт оролцож, олны хайрыг татаж байсан билээ. Одоогийн байдлаар Ён Ху нь АНУ-ын Хойд Каролинагийн Их Сургуульд элсэн суралцаж байна.
Үүний зэрэгцээ Ён Мин-су нь Ким Мин-житэй гэр бүлээ цуцалж, дараа нь SBS телевизийн "Гэнэн хөвгүүдийн ээж" нэвтрүүлэгт оролцож, олны анхаарлыг татаж байсан юм.
Солонгосын нетизэнчүүд "Сүүлийн үед Ён Хугийн гэр бүл бүрэн бүтэн болсон нь сайхан байна", "Эцэг эхтэйгээ хамт байх нь хамгийн аз жаргалтай", "Ён Ху Солонгост сайн сайхан бүхнийг хүсэн ерөөе" зэрэг сэтгэгдлүүд үлдээжээ.