ALPHA DRIVE ONE: Дэлхийг байлдан дагуулах шинэ K-POP хамтлаг 'EUPHORIA' цомгийн трейлерээ цацлаа!
Шинэхэн K-POP од ALPHA DRIVE ONE (ALD1) хамтлаг өөрсдийн өвөрмөц ертөнцийг нээж, дэлхийн хөгжмийн ертөнцийг доргиулахад бэлэн болжээ.
Найман гишүүнээс бүрдсэн тус хамтлаг болох Рио, Жунсо, Арно, Гону, Санвон, Шинлонг, Аншин, Санхён нар өнөөдөр /12-р сарын 16-ны өдөр/ албан ёсны сошиал хуудсуудаараа анхны мини цомог болох 'EUPHORIA'-гийн трейлер болох 'Film by Raw Flame' видеон бүтээлээ цацсан нь дэлхий даяарх хөгжөөн дэмжигчдийн дунд маш их шуугиан тарьж байна. Энэхүү цомог нь ирэх нэгдүгээр сарын 12-ны өдөр 18:00 цагт худалдаанд гарна.
Дебютийн трейлер нь гурван хэсгээс бүрдсэн бөгөөд гишүүдийн сэтгэл хөдлөлийн өөрчлөлт болон түүхийг үе шаттайгаар харуулсан байна. Эхний 'no flame' хэсэгт "алдагдсан гал"-ыг дүрслэн, нүүр болон гартаа шарх авсан гишүүдийн дүрээр эмзэглэл, төөрөгдөл, айдас түгшүүрийг илэрхийлжээ. Дараагийн 'no frame' хэсэгт хүчирхэг аянд зориулж, галыг хайх эрлийг дүрсэлсэн нь сонирхлыг улам татлаа. Галтай эргэн нэгдсэн найман гишүүний дүр төрх нь романтик уур амьсгалыг бүрдүүлж, дэлхий даяарх шүтэн бишрэгчдийг баярлуулсан юм.
Харин төгсгөлийн 'raw flame' хэсэгт найман гишүүн хамтдаа харанхуйг туулан ирж, нар мандах аз жаргалтай мөчийг харуулснаар үзэгчдийн анхаарлыг татлаа. "Одоо бид нэг гал болж цугласан", "Бидний эхлэл, бүх зүйл эхлэх бидний анхны өглөө" гэсэн өгүүлэмж нь удаан хүлээлтийн дараа нэг баг болж 'дебют' хэмээх мөчийг угтаж буй гишүүдийн бодит түүхийг илтгэж, ALPHA DRIVE ONE-ийн цаашдын түүхэнд хэрхэн өрнөхийг улам бүр сонирхуулж байна.
Энэхүү дебютийн трейлер нь хамтлагийн ертөнц болон түүхийг багтаасан видео бүтээл бөгөөд гишүүдийн анх удаа үзүүлсэн сэтгэлийн хөдөлгөөнтэй жүжиглэлт, жинхэнэ өгүүлэмж, өвөрмөц дүр төрх нь гайхалтай мэдрэмжийг өгч, бүрэн дүүрэн автжээ. Мөн ALPHA DRIVE ONE-ийн романтик, эрч хүчтэй уур амьсгалыг харуулсан нь трейлерийн чанарыг улам дээшлүүлж, хамтлагийн өргөжих ертөнцийг илүү сонирхолтой болгосон.
Өмнө нь цацагдсан тизерийн ачаар сониуч зангаа хөдөлгөсөн ALPHA DRIVE ONE-ийн түүх анхны трейлерээр бүрэн дэлгэгдэж, дэлхийн хөгжөөн дэмжигчдийн анхаарлыг татаж эхэллээ. Мэдрэмжтэй найруулга, үлдсэн түүх нь фенүүдийн төсөөллийг өдөөж, ALPHA DRIVE ONE-ийн анхны мини цомог 'EUPHORIA'-гийн хүлээлтийг улам өндөрт хүргэж байна.
'EUPHORIA' мини цомог нь өөрсдийн гэсэн замаар мөрөөдөл рүүгээ тэмүүлсэн найман гишүүний аяллын нэг баг болон төгсдөг мөчийг багтаасан. Урт бэлтгэлийн дараа ирсэн эхлэлийн сэтгэл хөдлөл болон баяр баясгаланг (EUPHORIA) ALPHA DRIVE ONE хамтлаг өөрсдийн эрч хүч, түүхээрээ илэрхийлэхээр төлөвлөжээ.
Дэлхийн K-POP-ын оргилд гарах аяллын эхлэлийг тавьсан ALPHA DRIVE ONE нь дебютээсээ өмнө гаргасан 'FORMULA' синглээрээ дотоод болон гадаад чартуудад дээгүүр байранд эзэлж, албан ёсны дебютаасаа өмнө дэлхийн хөгжөөн дэмжигчдийн хайрыг татаад байна. ALPHA DRIVE ONE хамтлаг ирэх нэгдүгээр сарын 12-нд 'EUPHORIA' мини цомгоороо албан ёсоор дебютээ хийнэ.
Солонгосын интернэт хэрэглэгчид 'Ямар гоё концепц вэ!', 'Трейлер нь маш өндөр чанартай гарчээ' гэх зэргээр магтаж, 'ALPHA DRIVE ONE-ийг хүлээж байсан нь зүгээр байгаагүй юм байна' хэмээн сэтгэгдэл үлдээж байна. Тэд гишүүдийн 'өрөвдөлтэй төрх' болон 'сайхан хоолой'-г онцлон тэмдэглэжээ.