Тоглоомын алдарт "Сутхак" YouTube видеоблогер хулгайлах, зодохын хэргийн шүүхийн явцыг хуваалцлаа
Сая гаруй дагагчтай, алдартай тоглоомын YouTube видеоблогер "Сутхак" нь хулгайлах болон зодохын хэргийн шүүх хуралдааны явц, мэдээллийг хуваалцлаа.
"Өнөөдөр өглөө хүлээж байсан анхны шүүх хуралдаан боллоо. Намайг бүх юмнаас минь салгахыг завдсан чөтгөр мэт гэмт хэрэгтнүүдийн царайг дахин харахыг хүсэхгүй байгаа тул зөвхөн миний хуулийн өмгөөлөгч л шүүх танхимд суусан" хэмээн "Сутхак" 15-нд өөрийн YouTube сувгийн нийгэмлэгийн хуудсанд бичжээ.
Тэрбээр "Одоо цацагдсан мэдээллүүдээс та харж байгаа байх, үр дүн гартал харин удаан хугацаа шаардагдах байх. Гэмт хэрэгтнүүдэд шударга ял оногдуулж, аль болох хурдан шийдвэрлэх нь надад хамгийн том сэтгэлийн дэм болон нөхөн төлбөр болно. Тиймээс би сайн үр дүн гарахыг л хүсч байна" гэж нэмж хэлэв.
"Сутхак" мөн "Энэ хугацаанд би сэтгэлзүйн зөвлөгөө, амбулаторын эмчилгээ авч, эдгээр мөчүүдийг даван туулахыг хичээсэн. Гэхдээ эргэн ирэхдээ ил гарч буй гэрэл гэгээтэй дүр төрх нь гэмт этгээдийн талд ямар нэгэн байдлаар ашигтай болж болзошгүй гэж бодоод эргэн ирэхээсээ эргэлзэж байсан" хэмээн нууцлаа.
Гэсэн хэдий ч тэрээр "Гэхдээ шүүх хурал дуустал "хохирогчийн дүр төрхийг" харуулж, уйтгар гунигтай, идэвхгүй байдалтай байхад миний амьдралын нэг ч хором үрэгдэх ёсгүй юм шиг санагдсан тул маргааш гэхэд л дахин нэвтрүүлгээ эхлэхээр төлөвлөж байна" гэж мэдэгдэв.
Үүнээс гадна "Сутхак" "Хурдан эргэн ирлээ хэмээн санаа зовж магадгүй ч, энэ бол миний залуу насны зориулсан зүйл учраас би дахин сайн хийж чадна. Тиймээс битгий их санаа зов. Олон хүмүүс энэ хэргийг анхааралтай ажиглаж, хамтдаа уурлаж, дэмжлэг, сэтгэлийн дэм өгсөнд маш их баярлалаа. Энэ нь надад маш их хүч өгсөн" гэж нэмж хэлэв.
Өмнө нь 10-р сарын 26-ны өдрийн 22:40 цагийн орчимд Инчон хотын Ёнсу-гу дүүргийн Сонгдо-доны нэгэн байрны га подвалын зогсоолд "Сутхак"-ийг зодож, хулгайлж, алahaар оролдсон хэрэгт А, Б гэгдэх хоёр эрэгтэй шалгуулж байгаа талаар мэдээлж байсан.
Солонгосын интернэт хэрэглэгчид "Сутхак"-д дэмжлэгээ илэрхийлж, түүнийг хүчтэй байхыг уриалж, хурдан эдгэрэхийг хүссэн. Олон хүмүүс түүний амьдралд тохиолдсон хүндрэлийг үл харгалзан контент бүтээл рүүгээ эргэн ирэх зоригийг нь үлгэр жишээ хэмээв. "Тэр эргэн ирж байгаад маш их баяртай байна! Өөрийгөө болгоорой, Сутхак!" гэж нэгэн хэрэглэгч сэтгэгдэл үлдээжээ.