NCT-ийн гишүүн Тэ Ён 2026 онд 'TY TRACK – REMASTERED' нэрээр бие даасан аялан тоглолтоо эхлүүлнэ
SM Entertainment-ын уран бүтээлч, алдарт K-pop хамтлаг NCT-ийн гишүүн Тэ Ён 2026 онд бие даасан концерт аялан тоглолтоо эхлүүлэх гэж байна.
Тэ Ён '2026 TAEYONG CONCERT 'TY TRACK – REMASTERED'' хэмээх тоглолтоо 2026 оны нэгдүгээр сарын 24-25-ны өдрүүдэд Сөүлийн Олимпийн цэцэрлэгт хүрээлэнгийн Ticketlink Live Arena (гар бөмбөгийн ордон)-д хийнэ. Энэхүү тоглолт нь Тэ Ён болон түүний шүтэн бишрэгчдийн хоорондох гүн гүнзгий хөгжмийн харилцан ойлголцыг бий болгох төлөвтэй байна.
Энэ удаагийн тоглолтын онцлог нь 2024 оны хоёрдугаар сард болсон Тэ Ёны анхны бие даасан тоглолт болох 'TY TRACK'-ийг шинэчлэн найруулж, дахин танилцуулж байгаа явдал юм. Арван жилийн турш Тэ Ёны туулж өнгөрүүлсэн замыг нэгэн кино шиг өгүүлж, өндрөөс өндөрт үнэлэгдсэн 'TY TRACK' нь илүү сайжирсан хөгжим, өргөжүүлсэн хэмжээний найруулгатайгаар шинэчлэгдэн гарч ирсэн нь ихээхэн хүлээлт үүсгэж байна.
Түүнчлэн Тэ Ён бие даасан аялан тоглолтоо эхлүүлж, Сөүлээс гадна хоёрдугаар сарын 7-нд Жакарта, хоёрдугаар сарын 16-17-нд Иокогама, хоёрдугаар сарын 28-3 сарын 1-нд Макао, гуравдугаар сарын 28-29-нд Бангкок, дөрөвдүгээр сарын 11-нд Куала-Лумпур зэрэг 6 хотод нийт 10 удаагийн тоглолтыг хийж, тухайн орны шүтэн бишрэгчидтэйгээ уулзах төлөвтэй байна.
Тэ Ён 2023 оны зургаадугаар сард гаргасан анхны мини цомог 'SHALALA'-аараа өөрийн өвөрмөц хөгжмийн өнгө аяс, бие даасан уран бүтээлчийн хувийн онцлогийг тодорхой харуулж чадсан. 2024 оны хоёрдугаар сард гарсан хоёр дахь мини цомог 'TAP'-даа бүх дууны шүлгийг өөрөө бичсэн бөгөөд анхны бие даасан тоглолтынхоо бүх сет-листийг өөрийн бүтээсэн дуунуудаар бүрдүүлж, хөгжимчний хувьд өөрийн ур чадварыг тасралтгүй хөгжүүлж, 'бүрэн гүйцэд уран бүтээлч' гэх цолыг баталгаажуулж байсан тул түүний цаашдын үйл ажиллагаа ихээхэн анхаарал татаж байна.
Тэрээр мөн армиас халагдсаны дараах анхны тоглолтоо 12-р сарын 25-нд гарах '2025 SBS Gayo Daejeon' нэвтрүүлгээр үзүүлэх болно.
Солонгосын интернэт хэрэглэгчид Тэ Ёны аялан тоглолтын мэдээг маш өндрөөр үнэлж, "Тийм ээ, энэ удаагийн тоглолтыг тэсэн ядан хүлээж байна!", "Тэ Ён үнэхээр гайхалтай уран бүтээлч, дараагийн тоглолтоо алгасахгүй ээ" гэх зэрэг сэтгэгдлүүдийг үлдээжээ.