Ким А-ён, Мун Дон-хёк нар «Love Hotel»-д амьдралын төлөөх тэмцлээ үзүүлнэ
Ким А-ён болон Мун Дон-хёк нар 2025 онд KBS 2TV сувгаар гарах «Love: Track» төслийн нэгэн анги болох «Love Hotel»-д хайр дурлал, триллерийн хосолсон бүтээлийг тун удахгүй үзэгчдэд хүргэх гэж байна. Энэхүү анги нь ирэх сарын 17-нд цацагдана.
«Love Hotel» кино нь удаан хугацааны турш үерхсэн хос бороонд гацсанаас болж санамсаргүй нэгэн зочид буудалд ороод, тэндээ алуурчинтай тулгардаг тухай өгүүлэх юм. Ким А-ён 7 жил үерхсэн «Юн Ха-ри»-гийн дүрд, Мун Дон-хёк түүний хайрыг бүхнээс дээгүүрт тавьдаг, даруухан зан араншинтай «Кан Дон-гу»-гийн дүрийг бүтээжээ.
Өчигдөр буюу 16-нд цацагдсан гэрэл зургуудад зочид буудлын харанхуй, битүү коридорт айдаст автан, чимээ чагнан суугаа Ким А-ён, Мун Дон-хёк нарыг харуулжээ. Бие бие рүүгээ түшиглэн, нүд нь хуранхайрсан байдал нь тэдний тулгарч буй хүнд байдлыг илтгэнэ. Энэ мөчид эрх танхи, халамжтай зан ааштай Ха-ри ч айдаа нууж чадалгүй, нөхцөл байдлын хурц шинжийг мэдэрч байгаа нь харагдана.
Удаан үерхсэн хосын хувьд Юн Ха-ри, Кан Дон-гу нар хэвийн л болзооны өдөр ч гэсэн хоорондоо муудалцаж, эвлэрч ядан явдаг. Гэвч тэдний санаанд оромгүй байдлаар бороонд автаж, зочид буудалд ороход алуурчинтай учирсан нь тэднийг аюул нүүрлэхэд хүргэжээ. Энэ нь Ха-ри, Дон-гу нарт буцах аргагүй амьдралын төлөөх тулааныг үүсгэх болно.
Хүнд нөхцөл байдалд орсон ч Ха-ри айдаа дарж, амьд үлдэхийн тулд тэмцэнэ. Энэ явцад тэрээр үргэлж анхааралгүй мэт харагддаг байсан Дон-гу-гийн жинхэнэ сэтгэлийг ойлгоно. Дон-гу ч айдаст автсан ч, найз бүсгүйгээ хамгаалахын тулд зориг гарган алуурчинтай эцсээ хүртэл тэмцэх болно. Хямралын үед хамтран зүтгэж, алуурчнаа ялж, зочид буудлаас амьд гарч чадах болов уу? Энэ асуулт үзэгчдийн анхаарлыг ихээхэн татаж байна.
Солонгосын интернэт хэрэглэгчид энэ триллерийн үйл явцыг ихэд хүлээж байгаа бөгөөд "Энэ үнэхээр сонирхолтой байна! Актерүүдийн хоорондын ур чадварыг харахыг тэсэн ядан хүлээж байна." гэж сэтгэгдэл үлдээжээ. Мөн зарим нь "Энэ зөвхөн аймшигтай байх төдийгүй, удаан үерхсэн хосын тухай өгүүлэлтэй тул сэтгэл хөдлөм байх байх гэж найдаж байна." хэмээн нэмсэн байна.