G-DRAGON "2025 Hypebeast 100" жагсаалтад багтаж, дэлхийн соёлын нөлөөгөө дахин баталлаа
Дуучин G-DRAGON "2025 Hypebeast 100" (HB100) жагсаалтад багтсанаар дэлхийн соёлын урлагийн нөлөөтэй хүн гэдгээ дахин нотлон харууллаа.
Америкийн нэр хүндтэй "Hypebeast" сэтгүүлээс жил бүр гаргадаг энэхүү жагсаалтад загвар, стритвеар, хөгжим, урлаг, дизайн зэрэг орчин үеийн соёлын салбарт нөлөө бүхий 100 хүнийг шалгаруулдаг.
G-DRAGON нь Фаррелл Уильямс, Тревис Скотт, A$AP Rocky зэрэг дэлхийн алдартай уран бүтээлчидтэй нэг эгнээнд бичигдсэн нь түүнийг зөвхөн K-POP төдийгүй орчин үеийн соёлыг төлөөлөх хэмжээний хүн болсныг харуулж байна.
"Hypebeast"-ийн зүгээс G-DRAGON-ыг "2025 онд хөгжим, урлаг, загвар, тансаг байдлыг хамарсан өвөрмөц бүтээлч аялалаараа дамжуулан дэлхийн соёлын икона хэвээр байгаагаа баталсан" хэмээн онцолжээ.
Түүний "Übermensch" цомог, дэлхийн аялан тоглолт, АПЕК-ийн чуулган дахь үзүүлбэрүүд нь урлагийн хүрээгээ тэлж, нийгэм, соёлын талбарт ч нөлөөлж чадсан гэж үнэлэгдсэн.
PEACEMINUSONE брэнд, Jacob & Co., Gentle Monster-тай хийсэн хязгаарлагдмал хамтын ажиллагаа нь поп соёл, тансаг зэрэглэлийн бүтээгдэхүүний хил хязгаарыг үгүй хийж, G-DRAGON-ыг орчин үеийн соёлын чиг хандлагыг тодорхойлогч болгосон.
Энэхүү жагсаалтад G-DRAGON орж байгаа нь ес дэх удаагаа бөгөөд K-POP уран бүтээлчдийн дунд давтагдашгүй амжилт юм. Тэр анх 2013 онд энэ жагсаалтад орж байснаас хойш тасралтгүй байраа хадгалж ирсэн.
"G-DRAGON 2025 WORLD TOUR [Übermensch]" аялан тоглолт нь 12 улсын 17 хотод 39 удаагийн тоглолтоор 825,000 гаруй үзэгчдийг хамруулж амжилттай өндөрлөсөн.
Солонгосын интернэт хэрэглэгчид G-DRAGON-ыг "HB100" жагсаалтад багтсанд баяр хүслээ илэрхийлж байна. "Манай хаан эргэн ирлээ!", "G-DRAGON үргэлж нэг алхам урд", "Түүний нэр хүндтэй энэ ололт амжилтад нь баяр хүргэе" гэх зэрэг сэтгэгдлүүд цахим орчинд тархаж байна.