Солонгосын жүжигчин Хан Жи-мин WWD Korea сэтүүлийн нүүрийг чимэглэж, шинэ дүрүүд болон хувийн тэнцвэрээ хуваалцлаа
Монголын үзэгчдэд танил Солонгосын алдарт жүжигчин Хан Жи-мин 2026 оны WWD Korea сэтүүлийн шинэ жилийн дугаарын нүүрийг чимжээ.
Удалгүй үзэгчдийн хүртээл болох гэж буй JTBC телевизийн "Гэр бүл болоогүй залуусын үр дүнтэй уулзалт" (Efficient Meeting for Single Men and Women) хэмээх шинэ драмадаа бодит бөгөөд илэн далангүй романтик дүрийг бүтээхээр бэлтгэж буй Хан Жи-мин, энэ удаагийн фото зургаар өөрийн гэсэн тэнцвэр, тайван байдлыг харуулсан олон талт чадвараа харуулсан байна.
"Reset, Gently" хэмээх сэдэвтэй энэхүү нүүрний зураг нь шинэ жилийн цоглог эхлэл, өдөр тутмын амьдралын бяцхан баяр баясгаланг мөчлөхийг зорьжээ. Зургууд дээр Хан Жи-мин нь тайван, нарийн мэдрэмжтэй байдлын дунд эмэгтэйлэг байдлаас эхлээд нам гүмхэн хүчтэй байдал хүртэлх янз бүрийн хэв маягийг төгс илэрхийлж, анхаарлыг татаж байна.
Сэтгүүлийн ярилцлагад Хан Жи-мин өөрийн дүрд тоглож буй И-ёнтой хэр адилхан бэ гэсэн асуултад, "И-ён бол болгоомжтой, харилцаандаа тэнцвэртэй ханддаг хүн. Би ч гэсэн харилцаандаа тэнцвэрийг хадгалах гэдэг зүйлд ойлголттой байдаг" хэмээн хуваалцсан байна. Тэрээр харилцааны хамгийн чухал зүйл бол "итгэлцэл" гэж онцолж, "Энэ бол цаг хугацаа өнгөрөхөд автоматаар бий болдог зүйл биш, харин бий болгоход хамгийн хэцүү мэдрэмж юм" гэж тайлбарлав. Нас ахих тусам цөөн боловч гүн гүнзгий харилцааг хадгалдаг болдог түүний үзэл бодол эндээс харагдаж байна.
Зураг авалтын дараах амралтын талаар Хан Жи-мин "Би хувьдаа өвлийн аяллыг сайхан өнгөрүүлж, гэр бүлтэйгээ цагийг өнгөрөөхийг илүүд үздэг. Энгийн амьдралын бяцхан баяр баясгалангаас их урам зориг авдаг" гэжээ.
Шинэ жил өөртөө хэлэх үгийг сонсоход тэрээр "Ямар нэг зүйлийг нэмж дүүргэхийн оронд одоогийнхоо хэмнэл, тэнцвэрийг хадгалж, өөртөө "Энэ хангалттай" гэж хэлдэг жил болохыг хүсч байна" хэмээн нэмж хэлсэн байна.
Солонгосын интернет хэрэглэгчид түүний гоо үзэсгэлэн, сэтгэл татам байдлыг магтан шагшиж, энэ удаагийн фото зурагт ихэд сэтгэл хангалуун байгаагаа илэрхийлжээ. Мөн түүний шинэ драмыг тэсэн ядан хүлээж, амжилттай болохыг хүссэн сэтгэгдлүүд их байв.