Урлаг, соёлын салбарын шилдэгүүд: Пак Ши-ын, Жин Тэ-хён хос «Амьдралыг хүндэтгэх шагнал»-ыг хүртлээ

Алдарт жүжигчин Пак Ши-ын болон түүний нөхөр Жин Тэ-хён нар арванхоёрдугаар сарын 17-нд Сөүлийн The Plaza зочид буудалд болсон «Амьдралыг хүндэтгэх 2025» шагнал гардуулах ёслолын үеэр урлаг, соёлын салбарын шилдэг бүтээлчээр тодорлоо.

«Амьдралыг хүндэтгэх шагнал» нь Амьдралын даатгалын сангийн нийгэмд оруулж буй хувь нэмрийг үнэлэн 2009 оноос хойш олгогдож ирсэн шагнал юм. Энэ нь амийг нь аварсан хүмүүсийг болон урлаг, соёлын салбарт эерэг нөлөө үзүүлсэн уран бүтээлчдийг шагнадаг.

Пак Ши-ын, Жин Тэ-хён хос нийгмийн хариуцлагаа ухамсарлаж, бусадтай хуваалцдаг хандивын үйл ажиллагаагаа тасралтгүй явуулснаар энэхүү шагналыг хүртлээ. Тэд үерийн болон ой хээрийн түймэрт нэрвэгдсэн иргэдэд туслах, мөн хөгжлийн бэрхшээлтэй хүүхдүүдийн эмчилгээний зардалд зориулж удаан хугацааны турш хандивын марафон зохион байгуулсан.

Тэд 2023 онд «БНСУ-ын Хамтын ажиллагааны үндэсний шагнал»-ын Ерөнхий сайдын одонгоор шагнагдаж байсан бөгөөд Milal Welfare Foundation-ийн «Companion Club»-т элсэн орж, тогтмол дэмжлэг үзүүлсээр байгаа юм.

Амьдралын даатгалын сангийн зүгээс “Пак Ши-ын, Жин Тэ-хён хос нь урлаг, соёлоороо дамжуулан амьдралыг хүндэтгэх үнэт зүйлийг түгээн дэлгэрүүлсэн шилдэг төлөөлөл юм” хэмээн шагнал гардуулах болсон шалтгаанаа тайлбарлажээ.

Солонгосын интернэт хэрэглэгчид хосыг магтаж, "Тэд зөвхөн авьяаслаг жүжигчид төдийгүй, том зүрхтэй хүмүүс байна", "Тэдний буяны үйлс үнэхээр бахархуулштай", "Зохистой шагнал шүү!" гэх мэт сэтгэгдлүүдийг үлдээжээ.