SM Entertainment-аас Ён-ригийн нэр хүндэд халдах оролдлого хийсэн этгээдүүдэд хатуу арга хэмжээ авч байна
"Girls' Generation" хамтлагийн гишүүн, дуучин Ён-ригийн эрхийг зөрчиж, худал мэдээлэл тараасан этгээдүүдийн эсрэг SM Entertainment-аас хатуу арга хэмжээ авч байгаагаа мэдэгдлээ.
Тухайлбал, Ён-ригийн танилын хувиар явж, түүний нэр төрд халдсан этгээдүүдийн нэгэнд оногдуулсан торгуулийн шийтгэл эцэслэн шийдэгдсэн байна. Үүнээс гадна, одоогоор бусад хэд хэдэн хэргийн мөрдөн шалгах ажиллагаа үргэлжилж байгааг компани анхаарууллаа.
SM Entertainment нь Instagram, X (хуучин Twitter), YouTube зэрэг олон нийтийн сүлжээгээр дамжуулан Ён-ригийн эсрэг чиглэсэн зохисгүй контент нийтэлж буй хүмүүсийн талаарх мэдээллийг шүтэн бишрэгчдийн болон өөрийн байнгын хяналтын системээр дамжуулан цуглуулж, хуулийн дагуу арга хэмжээ авч ажиллаж байгаа юм.
"Бид өөрийн уран бүтээлчдийн эрхийг зөрчсөн ямар нэгэн хууль бус үйлдлийн талаар ямар ч өршөөл, тохиролцоо хийхгүйгээр хатуу хариу арга хэмжээ авна. Мөн шаардлагатай бүх төрлийн иргэний болон эрүүгийн арга хэмжээг авна" гэж компани мэдэгдэв.
Цаашид ч өөрийн уран бүтээлчдийн эрх ашгийг хамгаалахын тулд бүхий л талаар хичээх бөгөөд ийм төрлийн гэм буруутай үйлдлээс зайлсхийхийг иргэдэд анхаарууллаа.
Нэмж дурдахад, Ён-ри 2026 оны нэгдүгээр сарын 24-нд Сөүл хотноо болох "2026 YURI's 3rd FANMEETING TOUR in SEOUL YURIVERSE" хэмээх гурав дахь удаагийн уулзалт арга хэмжээгээрээ шүтэн бишрэгчидтэйгээ уулзахаар бэлдэж байна.
Солонгосын интернэт хэрэглэгчид Ён-ригийн эсрэг хийсэн үйлдлүүдийг шүүмжилж, SM Entertainment-ийн авч буй арга хэмжээг дэмжиж байна. "Эцэст нь шударга ёс тогтож байна", "Ён-риг хамгаалсанд баярлалаа, бид та бүхний талд" гэх зэрэг сэтгэгдлүүд олон байв.