Жин Тэ-хёнийг 'Амьдралыг хүндэтгэх шагнал'-аар шагнав

Жин Тэ-хён жүжигчин 'Амьдралыг хүндэтгэх шагнал'-ын Соёл урлагийн салбарын тэргүүн шагналыг хүртсэнийхээ дараах сэтгэгдлээ хуваалцлаа.

Тэрээр саяхан өөрийн цахим хуудсандаа "Манай хос 2025 онд сайхан, сайн амьдарсны гавьяагаар 'Амьдралыг хүндэтгэх шагнал'-ын Соёл урлагийн салбарт тэргүүн шагналыг хүртлээ" хэмээн талархлаа илэрхийлжээ.

Тэрээр "Цаашид ч Бурхны үгсийг эрхэмлэн амьдарна" хэмээн онцолж, "Манай хос шан татарч, хичээнгүйлэн амьдарч байгаагийн учир нь хуваалцах, түгээхийн төлөө юм" гэдгийг онцлон тэмдэглэв. "Мөнгө олох зорилго нь хурааж хуримтлуулах биш, харин хөршүүддээ аль болох түгээж өгөх нь хамгийн сайхан үнэ цэнэ гэдэгт итгэдэг" хэмээн нэмж хэлжээ.

Жин Тэ-хён жилийн ажлаа дүгнэн "2025 оныг сайн өндөрлөөд, 2026 онд ч хөршүүдээ хайрлах үйлсийг хэрэгжүүлэн хичээнгүйлэн амьдарна" хэмээн амласан байна. Тэрээр мөн "Заримдаа би 20-той байхдаа хийж байсан зан аашгүй, тэнэг, болчимгүй үйлдлүүдээ бодоход ичдэг" хэмээн "Хэдий удаан явж байгаа ч өдөр өдөрт нь илүү сайн хүн болон амьдрахыг хүсч байна" хэмээн чин сэтгэлийн үгээ хэлжээ.

Эцэст нь тэрээр "Амьдралын эхний байдаг Бурханд, миний бүх зүйл болсон эхнэртээ мөч мөчдөө талархаж байна" хэмээн гүн итгэл үнэмшил, эхнэрээ гэх хайраа илэрхийлэв.

Үүнээс гадна Жин Тэ-хён эхнэр Пак Ши-ын хамтаар тогтмол буяны үйлс, хандиваа үргэлжлүүлж, эерэг нөлөөг түгээж ирсэн бөгөөд энэхүү шагналыг хүлээн авснаар түүний гавьяаг үнэлжээ.

Солонгосын интернет хэрэглэгчид түүний үйл ажиллагааг ихэд магтаж, "Үнэхээр зохистой шагнал, чин сэтгэлээрээ хийсэн зүйл шүү", "Амьдралыг харах үзэл нь урам зориг өгдөг, цаашид улам ч өсөн дэвшихийг хүсье" болон "Алдартнууд ийм сайн үйлсийг хийж байгаад маш их баяртай байна" гэх зэргээр сэтгэгдэл үлдээжээ.