Apink хамтлагийн гишүүн Юн Бо-ми Радотой 9 жилийн дараа гэрлэхээр болжээ
K-pop хамтлаг Apink-ийн гишүүн Юн Бо-ми продюсер Радотой 9 жил үерхсэний эцэст гэрлэхээр болсноо фэнүүддээ хандсан захидлаар дамжуулан мэдэгдлээ. Хос ирэх тавдугаар сард хуримаа хийхээр төлөвлөж байна.
Apink хамтлагийн фэнүүддээ зориулсан цахим хуудсанд нийтэлсэн гар бичмэл захидалдаа Бо-ми хэвлэл мэдээллийн хэрэгслээр гэнэт гэрлэх гэж байгаа тухайгаа мэдэгдсэндээ хэрхэн харамсаж буйгаа илэрхийлжээ. Мөн хамтлаг нь завсарлагаанаас хойш анх удаа шинэ цомог гаргах гэж байхад энэ мэдээ фэнүүдийг нь хэрхэн цочироож, сэтгэлээр унагах вий хэмээн санаа зовниж буйгаа дурдсан байна.
"Та бүхэндээ гэнэт ийм мэдээгээр хандсандаа маш их харамсаж байна" хэмээн Бо-ми бичжээ. "3 жилийн дараа гарах цомогт их хүлээлттэй байгаа та бүхнийг гайхшруулж, сэтгэл дундуур байлгах вий дээ гэж айж байна. Гэхдээ миний хувьд маш үнэтэй Панда (Apink-ийн фэнүүдийг нэрлэдэг нэр) нартаа би өөрөө амнаасаа хэлэх ёстой гэж бодсон учраас, ийнхүү эр зориг гарган бичиж байна."
Тэрээр үргэлжлүүлэн: "Би 10, 20-той байхдаа олон жил хамтдаа өдөр тутмын амьдралаа хуваалцаж, баяр баясгалантай үед ч, хүндрэлтэй үед ч бие биенээ дэмжсэн хүнтэй цаашдын амьдралаа хамтдаа өнгөрүүлэхээр шийдсэн. Одоо би 33 настай" хэмээн ярьсан байна.
Бо-ми фэнүүдээ итгэлтэй байлгах үүднээс цаашид ч Apink-ийн гишүүн болон ганцаарчилсан уран бүтээлчээрээ идэвхтэй уран бүтээл хийж, илүү сайн үйл ажиллагаагаар хариулах болно хэмээн амлажээ. "Би урьдын адил өөрийн байр суурин дээр хариуцлагаа умажгүй, илүү бэхжин амьдрах болно. Мөн Apink-ийн гишүүн, Юн Бо-мийн хувиар та бүхэндээ илүү сайн уран бүтээлээрээ хариу нэхэхийг амлаж байна" хэмээн тэрээр бичжээ. Хос 2016 онд Apink хамтлагийн гурав дахь бүрэн хэмжээний цомог дээр хамтран ажиллаж байхдаа танилцаж, 2017 оноос үерхэж эхэлсэн гэдэг.
Сэтгэгдэлүүдээс харахад, фэнүүд нь Бо-мийн шийдвэрийг хүндэтгэж, түүний шинэ амьдралд аз жаргал хүсэн ерөөж байгаа аж. "Чиний сонголтыг бид үргэлж дэмжинэ, Бо-ми!", "Гэр бүл болох гэж байгаа чинь баяртэй мэдээ байна!" зэрэг сэтгэгдлүүдээс харахад түүний аз жаргал хамгийн чухал болохыг онцолжээ.