Ю Бён-жэ эмэгтэй хүүхдүүдэд зориулж 10 сая воны буян үйлдэв

Алдартай зохиолч, телевизийн нэвтрүүлэгч Ю Бён-жэ эмэгтэй өсвөр насны хүүхдүүдэд зориулж 10 сая воныг хандивлалаа.

Тэрээр энэ сарын 17-нд "Та бүхнээсээ магтаал авахыг хүсч байна. Эрүүл ахуйн бүтээгдэхүүн хандивлаж байна" хэмээх бичвэр болон зургаа нийтэлжээ.

Зургийг харахад Ю Бён-жэ нь G-Foundation байгууллагад 10 сая воныг эрүүл ахуйн бүтээгдэхүүн худалдан авахаар хандивласан дансны хуулгыг харуулсан байна. Үүний хариуд тэрээр олон арван "лайк"-ийг хүлээн авчээ.

Энэхүү өглөг нь түүний бизнесийн амжилттай холбоотой байв. Өнгөрсөн тавдугаар сарын 13-нд MBC телевизийн "Point of Omniscient Interfere" нэвтрүүлэгт тэрээр "Энэ жил гурав дахь жилтэйгээ золгож байна. Аз болоход энэ онд бид 10 тэрбум воны борлуулалт хийлээ" хэмээн хэлж, үзэгчдийг гайхшруулж байсан билээ.

Солонгосын интернет хэрэглэгчид Ю Бён-жэгийн энэхүү сайхан сэтгэлт үйлдлийг өндрөөр үнэлж, "Жинхэнэ өрөвч сэтгэлтэй, гайхалтай хүн байна", "Зөвхөн авьяаслаг төдийгүй, том зүрхтэй хүн шүү", "Үүнийг нь харж бусад ч суралцах байх" гэх зэрэг сэтгэгдлүүдийг үлдээжээ.