S.E.S.-ийн гишүүн Южин охиндоо од болох хүсэлд нь хатуу шаардлага тавьжээ

Алдарт K-pop хамтлаг S.E.S.-ийн гишүүн асан, жүжигчин Южин KBS 2TV телевизийн ‘옥탑방의 문제아들’ (옥문아) нэвтрүүлэгт зочноор оролцжээ.

Нэвтрүүлгийн үеэр тэрээр хоёр охиноо олонд танилцуулж, тэдний үзэсгэлэнтэй төрхийг магтуулж байсан ч, охидын авьяас чадварын тухай яригдсан үед нэрт уран бүтээлчдийн хувьд хатуу байр суурьтай хандсан байна.

Охид нь ээжийнхээ замаар K-pop ертөнцөд орохыг хүсдэг эсэх асуултад Южин хариулахдаа, хоёр охин нь хоёулаа бүжиглэх, дуулах дуртай бөгөөд тэднийг «girl group-ын ДНК»-тай хэмээн онцолжээ. Ялангуяа том охин Рохи од болохыг эрмэлзэж байгаа аж.

Гэвч Южин «Чадвар нь байж байж л тэр! Чадвартай бол хийх хэрэгтэй» хэмээн хатуу үг хэлж, олны анхаарлыг татсан байна. Тэрээр охид нь бүжиглэх үед нь «Чиний энд вэйв алга байна», «Чиний апдаун хангалтгүй, мод шиг байна» гэх мэтчилэн шүүмжлэлтэй ханддаг гэдгээ хуваалцсан нь нэвтрүүлгийн оролцогчдыг гайхшруулжээ.

Южин (Жин Ю-жин) нь 1997 онд K-pop-ын анхны үеийн хамгийн нөлөө бүхий охидын хамтлагуудын нэг болох S.E.S.-ийг байгуулж, дебютээ хийсэн. Түүнийг хамтлагийнхаа гол гишүүн, ‘K-pop-ын анхны үеийн хатан хаан’ гэдэг. Тэрээр 'Penthouse' зэрэг олон ангит кинонд тоглож, жүжигчний карьераа амжилттай үргэлжлүүлсэн. Одоо хоёр охин, нөхөр Ки Тэ-ёнтойгоо хамт амьдардаг.