2NG: K-POP-ийн элч, Германы тайзнаа гялалзаж буй авьяаслаг уран бүтээлч

БНСУ-ын рэппэр, бүжигчин, соёлын байгууллагч Пак И-нён (уран бүтээлийн нэр нь 2NG) Германы Бремен хотод K-POP-ийн чимэг болон ажиллаж байна. Бага байхдаа сонсголгүй болсон ч урлагийн мөрөөдлөө орхиогүй Пак И-нён өөрийн дуунуудаа туурвиж, тайзан дээр гарч, ур чадвартай бүжиг, өвөрмөц байдлаараа олны анхаарлыг татсаар байна.

Тэрээр мөн соёлын салбарт идэвхтэй үйл ажиллагаа явуулж, орон нутгийн соёлыг түгээн дэлгэрүүлэхэд хувь нэмрээ оруулсан. 2012 онд KBS телевизийн "Н안녕하세요" нэвтрүүлэгт "сонсголгүй реппэр" хэмээх тодотголтой оролцож байсан түүхтэй.

2018 оноос хойш үйл ажиллаагаа Герман руу шилжүүлсэн Пак И-нён нь Солонгосын контент, K-POP-ийг дэлхийн тавцанд сурталчлан таниулах ажилд тэргүүн эгнээнд явж, ул мөрөө үлдээж байна.

Тэр дундаа 2024 оны 7-р сард Бремен хотод Солонгосын контентын үзэсгэлэнг зохион байгуулж, 2 хоногийн турш олон төрлийн хөтөлбөрийг үзэгчдэд хүргэсэн. 2025 оны 8-р сард төрийн байгууллагын дэмжлэгтэйгээр 3.5 цагийн K-POP сургалтыг залуучуудтай хийж, харилцан туршлага солилцсон. Солонгосын соёлтой холбоотой үйл ажиллагаа бараг байдаггүй Бремений ойр орчмын хотуудад K-POP багшаар ажиллаж, орон нутгийн хэвлэл мэдээллийн хэрэгслийн анхаарлыг татсан.

2NG-ийн замнал нь энгийн бус. Тэрээр сонсголын бэрхшээлийг үл харгалзан 17 жилийн турш дуудлага, авианы бэлтгэл хийж, одоо ч хоцрогдохгүйн тулд тогтмол хоолойгоо бэлтгэж, шинэ дуунууд зохиодог. Үүний зэрэгцээ тэрээр Германы орон нутгийн сургалтын төв, сургуулиудад K-POP бүжиг зааж, Солонгосын контенттэй холбоотой төсөл, сургалтуудаараа дамжуулан залуучуудад "хэн ч дэлхийд амжилт гаргаж чадна" гэсэн мессежийг хүргэдэг.

Түүнчлэн зурагчин, зохиолч Чон Хён-соктой хамтран эхлүүлсэн "ART?ART!MAGAZINE" төсөл нь 4 жилийн хугацаанд хэдэн арван улсын уншигчид, уран бүтээлчид, хэвлэлийн газруудад хүртээлтэй болсон дэлхийн сэтгүүл болж өргөжсөн. Одоохондоо нэрд гараагүй байхаас нь эхлэн шилдэг уран бүтээлчдийг онцолж байсан жишээ бий.

Саяхан 2NG нь "Threads" цахим сүлжээнд танилцсан хамтран зүтгэгч уран бүтээлчид Doggsta, Keisha нартай хамт "THREADZ" хамтлагийг байгуулж, анхны цомгоо гаргахаар бэлтгэл хийж байна. Энэхүү төсөл нь зөвхөн хөгжмийн үйл ажиллагаанаас гадна, дижитал эриний залуу үеийн бүтээж буй дэлхийн хөгжмийн хамтын ажиллагааны загвар юм.

"Миний хийж буй тэмцэл хэн нэгэнд итгэл найдвар төрүүлнэ гэж найдаж байна. Бэрхшээл намайг зогтуулж чадахгүй" гэж 2NG хэлсэн. "Цаашид ч Солонгосын контентыг түшиглэн илүү их амжилтад хүрэхийг хүсэж байна."

Пак И-нён (2NG) нь бэрхшээлтэй тулгарч буй олон хүмүүст урам зориг өгдөг. Сонсголын бэрхшээлтэй байдлаа үл харгалзан урлагтаа үнэнч байх түүний зүтгэл хүний хүсэл тэмүүллийн хүчийг харуулдаг. Тэрээр Солонгос болон түүнээс гадна соёлын хүрээгээ өргөжүүлэхийн төлөө идэвхтэй зүтгэж байна.