жүжигчин Сон Хе-гё: "Би хуучинсаг журмаар л тэмдэглэлийн дэвтэрт хуваарь бичдэг"

Өмнөд Солонгосын алдартай жүжигчин Сон Хе-гё саяхан "VOGUE KOREA" сувгийн "8 минутын турш Сон Хе-гёгийн гайхалтай гоо үзэсгэлэнг таашаацгаая… (гарны тос, Crybaby, уруулын бальзам, камер)" хэмээх гарчигтай видеонд өөрийн сонирхолтой заншил, хандлагын талаар хуваалцжээ.

Тэрээр цүнхнээсээ тэмдэглэлийн дэвтэр гаргангаа "Би гар утас хэрэглэдэг ч, хуваарь бичихдээ гар утсандаа бичихгүй, үргэлж тэмдэглэлийн дэвтэртээ бичдэг. Энэ нь хуучин хүмүүсийн л хийдэг зүйл байх, би ч бас л хуучин хүн дээ" хэмээн ярьсан байна.

"Би бүх зүйлээ, тэр ч байтугай хуваарь ажлаа ч үргэлж дэвтэртээ бичдэг. Тиймээс найзууд утасдаад 'Хэдэн сарын хэдний өдөр цаг чинь байна уу?' гэж асуухад би шууд хариулж чаддаггүй" хэмээн нэмж хэлжээ.

"Би тэдэнд 'Одоо гэртээ хариад дэвтрээ хараад эргүүлж залгая' гэдэг. Би их л хуучин хүн шиг харагдаж байна уу? Гэхдээ энэ дэвтэр надад маш чухал" хэмээн жүжигчин Сон Хе-гё хэлсэн нь үзэгчдэд ихэд таалагдсан байна.

Сон Хе-гё нь "All About Eve", "Full House", "That Winter, the Wind Blows", "Descendants of the Sun", "The Glory" зэрэг алдартай кино, драмуудад тоглож, Өмнөд Солонгосын хамгийн нэр хүндтэй жүжигчдийн нэг болсон. Түүний байгалийн гоо үзэсгэлэн, авьяас чадвар нь эх орон болон гадаадад өргөнөөр танигдсан. Мөн тэрээр олон тооны сайн үйлсийн ажилд оролцож, алдартай брэндийн гоо сайхны элчээр ажилладаг.