
LE SSERAFIM хамгийн анхны сингл 'SPAGHETTI'-аа 10-р сарын 24-нд гаргана
K-pop бүсгүйчүүдийн "LE SSERAFIM" хамтлаг "SPAGHETTI" хэмээх анхны синглээ 10-р сарын 24-нд гаргахаар бэлдэж байна. Энэ нь тэдний тав дахь мини цомог "HOT"-оос хойш 7 сарын дараа хийж буй эргэн ирэлт юм.
Хамтлагийн гишүүд болох Ким Чэ-вон, Сакура, Хо Юн-жин, Казуха, Хон Ын-чэ нар "SPAGHETTI" нэртэй шинэ дууны талаар "спагетти шиг салнаас салгаж чадамгүй сэтгэл татам байдал" хэмээх тодорхойлолтыг өгч, фэнүүдийн хүлээлтийг ихээр өдөөгөөд байна.
LE SSERAFIM хамтлаг нь өөрсдийн лого нь спагетти мэт эргэлдэж буйгаар эхэлсэн цагийн хуваарийн видеог WEVERSE платформоороо нийтэлсэн. Энэхүү анимейшн хэлбэрээр хийгдсэн видео нь хөгжилтэй, гэгээлэг уур амьсгалыг бүрдүүлж, удахгүй гарах контентуудын хуваарийг танилцуулж байна. "SPAGHETTI" дууны нэрнээс санаа авч, рестораны захиалгын хуудас хэлбэрээр бүтээгдсэн нь онцлог юм.
Хамтлаг 10-р сарын 9-нд "EAT IT UP!" контентыг эхлүүлснээр албан ёсны сурталчилгаагаа эхлүүлнэ. 10-р сарын 22-нд клипийн тизер, харин 10-р сарын 24-ний 13:00 цагт сингл болон клипийн бүрэн хувилбарыг цацах юм. Захиалгын хуудсанд "SAMPLER PLATTER", "HIGHLIGHT PLATTER" гэх мэт контентын нэрс, түүнчлэн "CHEEKY NEON PEPPER", "KNOCKING BASIL", "WEIRD GARLIC" зэрэг өвөрмөц нэрнүүд багтсан нь сониуч загийг нь хөдөлгөхөөр байна. Ялангуяа 10-р сарын 20-нд гарах "THE KICK" контент нь хоолыг амттай болгодог нууц жорыг илтгэх тул онцгой анхаарал татаж байна.
LE SSERAFIM хамтлагийн "SPAGHETTI" синглийг 10-р сарын 29-ний 11:00 цагаас эхлэн урьдчилсан захиалгад авах боломжтой.
Үүнээс гадна, LE SSERAFIM саяхан анхны дэлхийн аялан тоглолт болох "2025 LE SSERAFIM TOUR ‘EASY CRAZY HOT’"-оо 18 хотод 27 удаагийн тоглолтоор амжилттай хийж, дэлхийн өнцөг булан бүрт буй фэнүүдээ байлдан дагуулсан. Тэд 11-р сарын 18-19-нд Токио Домд анх удаа ахлах концертоо хийнэ.
LE SSERAFIM-ийн эргэн ирэлтийг хүлээж буй корейчууд "Шинэ дууг тэсэн ядан хүлээж байна!", "Спагетти концепц маш өвөрмөц юм!" "Дахиад л хит болно байлгүй дээ" зэрэг сэтгэгдлүүдийг үлдээж байна.