VERIVERY-ийн Кан-мин болон KISS OF LIFE-ийн Жүли: Хувийн амьдрал дэлгэсэн асуудал?
Сүүлийн үед солонгосын K-pop ертөнцийг шуугиулж буй нэгэн асуудал бол "VERIVERY" хамтлагийн гишүүн Кан-мин болон "KISS OF LIFE" хамтлагийн гишүүн Жүли нарын хувийн амьдралтай холбоотой таамаглал юм.
Хятадын цахим орчин, ялангуяа Weibo сүлжээнд нэгэн видео бичлэг түгж, олны анхаарлыг татсан. Уг бичлэг нь нэгэн зоогийн газрын дотор талд хийгдсэн бөгөөд нэг эрэгтэй, нэг эмэгтэй хүн дотно харилцаж, бие биедээ ойрхон байгаа байдал нь харагджээ. Эрэгтэй нь эмэгтэйн толгойд алдаж, эмэгтэй явах гэхэд араас нь тэвэрч байгаа зэрэг дүр зураг нь "энэ бол Кан-мин, Жүли нар байж магадгүй" гэсэн таамаглалыг цахим ертөнцөд өргөн хүрээтэйгээр өрнүүлэв.
Энэхүү видео түгсний дараа холбогдох уран бүтээлчдийн агентлагууд байр сууриа илэрхийллээ.
Жүлигийн харьяа S2 Entertainment компани 29-нд OSEN агентлагт "Энэ бол хувь хүний хувийн амьдралтай холбоотой асуудал тул манай компани үүнийг шалгаж, хариулт өгөх боломжгүй юм" хэмээн хариулт өгөхөөс татгалзлаа.
Харин Кан-мины харьяа Jellyfish Entertainment компани албан ёсоор мэдэгдэл гаргаж, "Сүүлийн үед манай уран бүтээлчдийн талаар үндэслэлгүй гүжирдлэг нь портал сайтууд, цахим нийгэмлэгүүд, SNS зэрэг олон нийтийн сүлжээгээр хариуцлагагүйгээр тархаж буйг бид олж мэдсэн. Эдгээр гүжирдлэг нь үндэслэлгүй бөгөөд уран бүтээлчдийн нэр хүндийг ноцтойгоор гутаан доромжилсон зохиомол худал мэдээлэл юм" хэмээн хатуу няцаалаа.
Тус компани цааш нь "Бид уран бүтээлчдээ хамгаалахыг нэн тэргүүнд тавьж, хор хөнөөлтэй гүжирдлэгийг зохиогч, тараагч, дахин хуулбарлагч нарт ямар ч өршөөлгүйгээр хуулийн дагуу хариуцлага тооцох болно. Цаашид ч худал мэдээллээс үүдэлтэй хохирлыг бууруулах, эрх ашгийг нь хамгаалахын тулд хатуу арга хэмжээ авна" гэдгээ онцоллоо.
Шүтэн бишрэгчид ч агентлагуудын шийдвэрийг дэмжиж, "Хувийн амьдралын бичлэгийг хариуцлагагүйгээр тараах нь ноцтой гэмт хэрэг" хэмээн хатуу шийтгэл шаардлагатай байгаагаа илэрхийлжээ. Энэ асуудал нь эр, эм идолуудын дуулианаас илүүтэйгээр уран бүтээлчдийн хувийн амьдралыг зөрчих, ёс суртахууны асуудал дээр илүү анхаарлаа төвлөрүүлж байгаа хандлага ажиглагдаж байна.
Солонгосын интернет хэрэглэгчид уг гүжирдлэгийг ихэд эсэргүүцэж, энэ нь хувийн амьдралд халдсан ноцтой зөрчил гэдгийг онцолжээ. Олонх нь агентлагуудын байр суурийг дэмжиж, худал мэдээлэл тараасан этгээдүүдийг хариуцлагад тооцохыг уриалсан байна.