Өвөрмөц рок-шик стильтэй Соми Парисийг байлдан дагуулж явнаа

Алдрт дуучин Чон Соми өөрийн онцгой рок-шик хувцаслалтаараа Парисийн гудамжийг гэрэлтүүлж байна.

Өнгөрсөн гуравдугаар сарын 30-нд тэрээр өөрийн цахим хуудсандаа Парисийн Эйфелийн цамхгийг зорин буулгасан хэд хэдэн зургийг нийтэлжээ. Зургуудад Соми Эйфелийн цамхгийн дэргэдэх зоогийн газрын террас дээр сууж буй нь харагдана. Тэрээр хар өнгийн савхин курткаа гайхалтай өмсөж, өөрийн онцлог шар үстэйгээ хослуулан хүчирхэг имижийг бүрдүүлсэн байна.

Ялангуяа, өндөр энгэртэй куртка, мөн нүдний шил нь түүнд оюунлаг төрхийг нэмж, "загварлаг эмэгтэй" гэдгийг нь баталж харагдлаа.

Одоогоор Чон Соми Парисын загварын долоо хоногт оролцох гэх мэт дэлхийн арга хэмжээнүүдэд оролцохоор Парис хотод байгаа юм. Тэрээр өнгөрсөн наймдугаар сарын 11-нд "Chaotic & Confused" нэртэй хоёр дахь EP цомогоо гаргаж, улам боловсорсон, өргөн хүрээтэй хөгжмийн цар хүрээг харуулсан билээ.

Хөгжмийн үйл ажиллагаагаа өргөжүүлсээр, одоо тэрээр дэлгэцийн урлагт хүч үзэхээр төлөвлөж байна. Соми K-pop-ийн сэдвээр бүтээгдсэн "PERFECT GIRL" триллер кинонд тоглохоор болжээ. Тэрээр жүжигчин, загвар өмсөгч Аделин Рудольф болон "K-pop Demon Hunters" анимэйшний дуу оруулагч Аден Жо-той хамтран ажиллах юм.

Сомийн загварлаг байдал, Парист авхуулсан зургуудыг сонссон Солонгосын интернэт хэрэглэгчид "Манай Соми үнэхээр гоё байна", "Парисын загварлаг эмэгтэй болжээ", "Түүний шинэ киног тэсэн ядан хүлээж байна" гэх мэт сэтгэгдлүүдийг үлдээжээ.