ATEEZ-ийн Уён Courrèges загварын шоуг Парист гэрэлтүүллээ

Алдарт K-pop хамтлаг ATEEZ-ийн гишүүн Уён саяхан Парис хотноо болсон тансаг зэрэглэлийн Courrèges брэндийн загварын шоунд оролцож, өөрийн онцгой чамин гоо үзэсгэлэнгээ харууллаа.

Өнгөрсөн сарын 30-нд /орон нутгийн цагаар/ Уён Courrèges-ийн 2026 оны хаврын/зуны улирлын шоунд зочлон, загварын ертөнцийг гайхшруулсан юм. Тэрээр энэ удаагийн арга хэмжээнд оролцсон цорын ганц солонгос эр алдартан байсан нь олны анхаарлыг улам ихээр татсан.

Уён нь том халаат болон бүстэй, хар өнгийн комбинзоныг сонгон өмсөж, өөрийн сэтгэл татам төрх, загварлаг мэдрэмжийг онцолсон. Тэрээр өмнө нь өнгөрсөн жил болон энэ оны гуравдугаар сард ч мөн Courrèges-ийн шоунд оролцож байсан бөгөөд энэ удаагийн арга хэмжээнд оролцосноор брэндийн өмнөх үеийн нэр хүндтэй холбоогоо дахин баталгаажуулж, "дэлхийн загвар өмсөгч" хэмээх алдрыг бататгалаа.

Уён шоунд ирэхэд дэлхий даяарх сурвалжлагчид гэрэл зургаа авахаар зүтгэв. Тэрээр инээмсэглэн мэндчилж, Наоми Уоттс, Жоржи Фармер, Эмма Чемберлен зэрэг дэлхийн алдартай одуудтай хамт загварын шоуг үзэж сонирхон "дэлхийн хэмжээний" байр сууриа харуулсан.

Харин ATEEZ хамтлаг нь БНСУ, Европ дахь аяллынхаа дараа "IN YOUR FANTASY" хэмээх Японы аялан тоглолтоо үргэлжлүүлж байна. Тэд тавдугаар сарын 13-15-нд Сайтама, 20-21-нд Нагоя хотод амжилттай тоглолтоо хийж, 22-23-нд Кобе хотод үргэлжлүүлэхээр бэлтгэлээ хангаад байна.

Солонгосын интернэт хэрэглэгчид Уёныг магтан сайшааж, "Манай Уён үнэхээр загварын хувьд шилдэг байна!", "Тэр үргэлж ийм загварлаг харагддаг нь яаж байдаг юм бол?", "ATEEZ дэлхийг байлдан дагуулж байна, Уён нь загварыг тэргүүлж байна!" гэх зэрэг сэтгэгдлүүдийг үлдээжээ.