हॉलीवूड दिग्दर्शक रॉब रायनर आणि पत्नीच्या मृत्यूमुळे खळबळ; कौटुंबिक वादाची शक्यता?
हॉलीवूडचा प्रसिद्ध दिग्दर्शक रॉब रायनर (78) आणि त्यांची पत्नी मिशेल रायनर यांच्या आकस्मिक निधनाने चित्रपटसृष्टीत मोठी खळबळ उडाली आहे. ब्रेंटवुड येथील त्यांच्या घरात दोघांचे मृतदेह आढळून आले. रिपोर्ट्सनुसार, ज्या दिवशी रायनर दाम्पत्याचा मृत्यू झाला, त्या दिवशी ते घरी मसाज सेशनसाठी येणार होते, मात्र त्यांनी दरवाजा उघडला नाही. त्यानंतर शेजारी राहणाऱ्या त्यांच्या मुलीने घरात जाऊन पाहि असता, दोघांचाही मृत्यू झाल्याचे धक्कादायक वास्तव समोर आले.
या घटनेच्या आदल्या रात्री, रायनर दाम्पत्य त्यांचा मुलगा निक रायनर (32) याच्यासोबत एका पार्टीत गेले होते. प्रत्यक्षदर्शींच्या म्हणण्यानुसार, या पार्टीत कुटुंबामध्ये जोरदार वाद झाला, जो तेथील इतर पाहुण्यांनाही ऐकू आला. यानंतर, रॉब आणि मिशेल रायनर यांनी पार्टीतून लवकर काढता पाय घेतला.
दुसऱ्या दिवशी, मसाज थेरपिस्टने संपर्क साधण्याचा प्रयत्न केला असता प्रतिसाद न मिळाल्याने, त्यांची मुलगी रोमी रायनरने घरी येऊन पाहिले आणि तिला हा भयानक प्रकार दिसला.
स्थानिक पोलीस या प्रकरणाचा तपास खुनाच्या शक्यतेने करत आहेत. कौटुंबिक वाद यामागे कारण असावे, अशी दाट शक्यता वर्तवली जात आहे. विशेष म्हणजे, रायनर यांचा मुलगा निक रायनर हा यापूर्वी अमली पदार्थ सेवन आणि मानसिक आरोग्याच्या समस्यांशी झगडत असल्याचे त्याने स्वतःच सांगितले होते.
मिळालेल्या माहितीनुसार, निक रायनर पार्टीत अत्यंत अस्वस्थ आणि विचित्र वागत होता. तो पार्टीतील लोकांना वारंवार 'तुम्ही प्रसिद्ध आहात का?' असे विचारत होता. यानंतर काही वेळातच त्याला खुनाच्या आरोपाखाली अटक करण्यात आली आहे आणि सध्या तो जामिनाशिवाय तुरुंगात आहे. मात्र, पोलीस अधिकृतपणे गुन्ह्याचं कारण किंवा पद्धतीबद्दल कोणतीही माहिती देण्यास टाळाटाळ करत आहेत.
रॉब रायनर यांनी 'When Harry Met Sally', 'Stand by Me', 'Misery' अशा अनेक उत्कृष्ट चित्रपटांची निर्मिती केली आहे. त्यांच्या अचानक जाण्याने चित्रपटसृष्टीतील मित्र आणि चाहत्यांमध्ये दुःखाची लाट पसरली आहे.
सोशल मीडियावर चाहते आणि नेटिझन्सनी या बातमीवर तीव्र shock व्यक्त केला आहे. "ही एक भयंकर शोकांतिका आहे" आणि "अविश्वसनीय घटना" अशा प्रतिक्रिया उमटत आहेत. अनेकांनी या प्रकरणाचा लवकर छडा लागावा आणि कुटुंबाला हे दुःख सहन करण्याची शक्ती मिळावी, अशी आशा व्यक्त केली आहे.